Stillar ikki uppaftur til løgtingið

Jógvan Skorheim, borgarstjóri í Klaksvíkar kommunu og 1. varamaður fyri Sjálvstyrisflokkin í løgtinginum, stillar ikki upp til næsta løgtingsval.

Tað fer hann at boða flokkinum frá á landsfundinum, sum er í Runavík í kvøld. 

Jógvan Skorheim hevur avgjørt at raðfesta býráðsarbeiðið fram um løgtingið.

Jógvan Skorheim sigur við Dag og Viku, at samgongan í býráðnum arbeiðir væl saman, og fleiri spennandi verkætlanir eru á skránni í kommununi. Tí hevur hann avgjørt ikki at stilla upp til løgtingsvalið, sum verður í seinasta lagi um eitt ár.