Áhugavert rættarmál byrjar mánadagin

Mánadagin byrjar sakarmál í Føroya rætti, har partafelagið Líraberg hevur stevnt Fiskimálaráðnum eftir 750.000 kr. í endurgjaldi, tí Líraberg, saman við yvir 100 øðrum útróðrarbátum, ikki fekk loyvi at fiska makrel í 2010.

Men tað er líka nógv ein spurningur um, hvussu lógin um vinnuligan fiskiskap hevur verið umsitin seinstu nógvu árini.

Málið byrjaði í mai í fjør, tá partafelagið Líraberg stevndi Fiskimálaráðnum, og nú hálvtannað ár seinni, kemur málið fyri í rættinum.

Fiskimálaráðið krevur frídøming.