Fleiri klagur í ár móti heilsustarvsfólkum

Ongantíð áður hava so nógvar kærur verið móti heilsustarvsfólkum, sum í fjør. 

Tað vísir uppgerð yvir kærur, sum landslæknin í dag hevur almannakunngjørt í sínari ársfrágreiðing. 

Í 2013 vóru 21 kærumál viðvíkjandi fakliga virkseminum hjá løggildum heilsustarvsfólki. 

Kærumálini vórðu send til víðari viðgerðar í Patientombuddet í Danmark. 

Ársfrágreiðingin sigur tó einki um, hvat hendir við kærunum. 

Um fólk fingu viðhald ella um kærurnar vóru avvístar. 

Fá ár hava kærurnar verið fleiri enn 10 í tali. Í 2012 vóru 14 kærur, í 2011 vóru 8 kærur og í 2010 vóru bert 7 kærur frá sjúklingum, sum kendu seg skeivt ella illa viðfarnar av heilsustarvsfólkum.