70 milliónir til íløgur verða ikki brúktar

Slakar 70 milliónir krónur, sum landið eigur til íløgur í ár, verða ikki brúktar í ár. 

Sambært einum yvirliti hjá Fíggjarmálaráðnum verða 69,2 mió. kr., sum eru játtaðar til íløgur í ár, ikki brúktar. 

Landið hevur 466,5 mió. kr. til íløgur í ár. Av teimum eru 184,4 milliónir fluttar frá øðrum árum.

Millum íløgurnar, sum ikki brúka allar pengarnar í ár, eru bústovnar hjá Almannamálaráðnum, - har vera 20 milliónir av  góðum 70 milliónum eftir, og hjá Landssjúkrahúsinum leypa 19 milliónir av í ár.