Afturkalla blikk við kili bønum

Heilsufrøðiliga Starvsstovan afturkallar nú blikk við kili bønum. Talan um merki Kavli Chilli Beans, har tað eru 410 gramm í. 

Orsøkin er, at í summum dósum eru ikki kili bønir í, men Ravioli tomatsós. 

Vøran er ikki spilt ella nakað sovorið, sambært heilsufrøðiligu starvsstovuni, men í Ravioli tomatsós er hveiti, mjólk og selleri og tað stendur ikki á merkingini.

Vøran kann tí elva til allergisk útbrot hjá fólki, sum eru ovurviðkvom og ikki tola hveiti, mjólk ella selleri, skrivar Heilsufrøðiliga Starvsstovan. 
 
Ráðini frá Heilsufrøðiligu Starvsstovuni eru at koyra vøruna burtur, ella at lata hana inn aftur til handilin, har hon er keypt.