SEV kann brúka vatnið eina tíð afturat

Loyvið hjá SEV at brúka áirnar er enn eina ferð longt, hesa ferð til 28.februar næsta ár.

Gamla loyvið hjá SEV at brúka áirnar til vatnorku fór formliga úr gildi 5.oktober í fjør.

Men Vinnumálaráðið hevur nú orðað eitt nýtt loyvi, sum SEV hevur viðgjørt saman við kommununum. Og 24.september høvdu SEV, Vinnmálaráðið, Jarðfeingi og Kommunufelagið fund um málið.

Vinnumálaráðið hevur tó ikki givið SEV endaligt svar enn, men hevur longt vatnloyvið til 28.februar næsta ár.