Pensjón: Gift og sambúgvandi skulu javnsetast

Sjálvstýrisflokkurin ger nú eina roynd at javnseta giftar og sambúgvandi pensjónistar. 

Formaður og tingmaður floksins hevur lagt uppskotið fyri tingið  til samtyktar. 

Sambært Kára P. Højgaard leggur verandi skipan upp til, at giftir pensjónistar lata seg skilja fyri at fáa hægri pensjón. 

Eini hjún, sum ikki hava aðra inntøku enn fólkapensjón og Samhaldsfasta, hava sambært uppskotinum hjá Kára P. Højgaard eina mánaðarliga inntøku eftir skatt, sum er umleið 16.500 kr.

Eitt sambúgvandi par uttan aðra inntøku enn fólkapensjón og Samhaldsfasta hava eina mánaðarliga inntøku, sum er 19.700 kr. Tað merkir, at inntøkan hjá sambúgvandi parinum er umleið 3.200 kr. hægri enn hjá giftum, vísir Sjálvstýrisflokkurin á. 

Uppskotið útgreinar ikki, hvat javnsetingin kostar, ella hvussu hon skal fíggjast.