Føroyingur rokskipari í Grønlandi

23.12.2014 - 11:58
AktueltSamfelag
Føroyingur rokskipari í Grønlandi
Akamalik hjá Royal Greenland hevur fiskað fyri 200 milliónir kr. Jógvan Tróndarson er skipari
 

Rækjutrolarin Akamalik hjá Royal Greenland, sum hevur føroyskan skipara, hevur í ár fiskað fyri góðar 200 milliónir krónur av rækjum við Vesturgrønland.

Tað skrivar Sermitsiaq.

- Vit eru ernir av at forvinna so nógvan pening til reiðaríið, sigur Jógvan Tróndarson, skipari á Akamalik.

Einir 25 mans eru við Akamalik, sum hevur fiskað rækju á nýggjum fiskileiðum við Qaanaaq.

Ikki fyrstu ferð

Skiparin greiðir frá, at samstundis sum prísurin hevur verið sera góður, so hava teir fingið góða og stóra rækju á miðunum, og hann rósar manningini fyri at hava skapt so gott ársúrslit.

Hetta er ikki fyrstu ferð, at júst Akamalik ger so góð hál fyri reiðaríið.

- Fyri 16 árum síðani vóru vit tann fyrsti trolarin hjá Royal Greenland, sum fekk rækjur fyri 100 milliónir krónur. Tá æt skipið Kaassassuk, men manningin er enn tann sama. Næsta ár fara vit at royna at røkka 300 milliónum, sigur Jógvan Tróndarson, skipari, við Sermitsiaq.

 

Er kopiera
Nýggjastu sendingar í ÚV
Týsdag 27. februar
Samværi 024 - at avmynda
169693
Týsdag 27. februar
Breddin
171299
Týsdag 27. februar
Góðan morgun Føroyar 27.02.2024
171297
Nýggjastu sendingar í SV
Týsdag 27. februar
Veðrið
171329
Sunnudag 25. februar
Andakt við Beintu Áargarð
171199
Sunnudag 25. februar
Guðstænasta úr Leirvíkar kirkju
171191