Meira útgoldið í lønum í fiskivinnuni

Eisini fiskavirkini rindaðu meira í lønum í fjør enn í 2013 vísa tøl, sum Hagstovan kunngjørdi í gjár. Fiskavirkini rindaðu slakar 340 milliónir krónur í lønum í 2014, 20 milliónir meira enn í 2013.

Árligi lønarvøksturin í alivinnuni hevur verið 11 og 16 prosent síðani 2011. Í fjør rindaði alivinnan næstan 280 milliónir í lønum, góðar 30 milliónir meira enn í 2013.

Samanumtikið vórðu goldnar 7,6 milliardir krónur í lønum í Føroyum í fjør. Tað eru 5,7 prosent meira enn í 2013. Størsti lønarvøksturin í fjør var í flutningsvinnuni á sjógvi og landi, 14,5 prosent, upplýsir Hagstovan.