Seinasti framløgudagur í næstu viku

Seinasti framløgudagur í næstu viku
Løgtingsskrivstovan skal hava málini í seinasta lagi nú fríggjadagin
Jógvan á Lakjuni, løgtingsformaður, ætlar, at tingið skal fara til hús 8. mai
 
24.02.2015 - 08:58

Langt hevur verið millum løgtingsfundirnar higartil í ár, tí so fá mál er at viðgera.

Men fríggjadagin í næstu viku er seinasti framløgudagur í hesari tingsetuni, og eisini í ár koma nógv mál í tingið tann dagin.

Løgtingsskrivstovan skal hava málini í seinasta lagi nú fríggjadagin.

Freistin er tó ikki so knívskorin, at ikki ber til at koma við fleiri málum eftir tann 6.mars. Men tá krevst, at minst 17 tingfólk skriva undir, at málið kann leggjast fram.    

Sambært álmanakkanum hjá løgtinginum ætlar formaðurin, at tingið fer heim fríggjadagin 8.mai. 

Játtanarkarmar

Tá landsstýrið er liðugt við lógaruppskotini, sum skulu latast Løgtingsskrivstovuni fríggjadagin, fer landsstýrið undir játtanarkarmin fyri árini 2016 til 2020. 

Í játtanarkarminum verður ætlaða gongdin í landshúsarhaldinum næstu fimm árini lýst, og landsstýrið hevur uppskot um, hvussu pengarnir skulu býtast millum aðalráðini og hvussu nógv skal brúkast til eitt nú heilsumál, samferðslu og mentamál.

Uppskotið um játtanarkarmin skal vera liðugt fyri 1.apríl. Og síðani skal løgtingið viðgera uppskotið hjá landsstýrinum.

Løgtingsfundur verður í morgin. Tá eru millum annað ófráboðaðir fyrispurningar til løgmann og landsstýrisfólkini á skránni.

 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470