Et ikki ov nógvar D-vitaminir

11.03.2015 - 09:05
AktueltHeilsa
Et ikki ov nógvar D-vitaminir
Ov nógv D-vitamin økir vandan fyri hjartatilburði ella blóðtøppi í hjartanum, vísir kanning
 

Granskarar ávara nú fólk ímóti at eta ov nógvar D-vitaminir.

Tey flestu okkara vita, at D-vitanmintrot kann hava sjúku við sær og í ávísum førum eisini økja vandan fyri deyða.

- Okkara kanningar vísa, at eitt ovara mark er fyri D-vitaminum, og at fólk ikki ókritiskt skulu taka D-vitaminir, um eingin grund er til tað. 

Hetta sigur Peter Schwartz, professari og yvirlækni á Institut for Klinisk Medicin við heimasíðuna hjá Danmarks Radio.

Úrslitið av granskingini er almannakunngjørt í tíðarritinum, Journal of Endo-crin-ology and Metabolism, sum er heimsins fremsta innan sítt øki.

250.000 danir kannaðir 

Granskarar hava kannað innihaldið av D-vitaminum í blóðinum hjá næstan 250.000 danskarum og síðani greinað, hví fólk í hesum sama bólki eru deyð.

- Hevur tú ov nógv D-vitamin í blóðinum, so veksur vandin tildømis fyri at fáa hjartatilburð ella blóðtøpp í hjartað. 

Øvut er heldur ikki gott, um tú manglar D-vitamin. Best tykist vera, um innihaldið liggur millum 50 og 70 nanomol fyri hvønn litur av blóði, sigur professarin við Danmarks Radio. 

Hesi seinastu árini hevur verið sera nógv tosað um D-vitaminir, og at sera mong okkara mangla D-vitaminir í kroppinum. 

Spyr læknan

Peter Schwartz, professari og granskarar hansara vóna, at nýggju granskingarúrslitini kunnu fáa frísk fólk at hugsa seg um, áðrenn tey glaðbeint keypa sær D-vitaminir.

- Um tú etur sunt og hevur góða heilsu, so er eingin grund til at eta D-vitaminir.  Ivast tú í, um tær tørvar D-vitaminir, so mæli eg til at tosa við læknan, sigur professarin.

Nýggju donsku granskingarúrslitini kunna lesast á press.endocrine.org

 

Er kopiera

Sí eisini

25.12.20
118135
Nýggjastu sendingar í ÚV
Mánadag 17. januar
Við Tórði á túri um staðarnøvn
134177
Mánadag 17. januar
Nón - 17. januar 2021
134169
Mánadag 17. januar
Norðurljóð 17.januar 2022
133666
Mánadag 17. januar
Nogvir spennandi venjarar í Betri-deildini
134160
Mánadag 17. januar
Greidleiki er lítið brúkt
134135
Nýggjastu sendingar í SV
Mánadag 17. januar
3-2
134193
Sunnudag 16. januar
Hondbóltur: Føroyar - Lettland
134104
Sunnudag 16. januar
10-mannaførini 2021
134102
Sunnudag 16. januar
Hondbóltur: Luksemburg - Føroyar
134089
Sunnudag 16. januar
Hvør veit?
134088