Svimjing: Sára Nysted sett tvey føroysk met

Sára Nysted hevur svomið sera góðar tíðir í Danish Open kappingini í Danmark.

Leygardagin setti hon føroyskt met í 400 metur blandað, tá hon svam C-finaluna.

Tíðin hjá Sáru var 5.13.91. Hon tók rættiliga fitt av gamla metinum hjá Elspu Mørkøre frá 2005.

Gamla metið var 5.27.85.

Í gjár setti Sára aftur met. Hesaferð var tað juniormet í 100 m. frí. Tíðin hjá henni var 59,67 sekund.

Gamla metið átti Sára sjálv (1.00.17). Hon var bara fýra hundraðpartar frá tí føroyska metinum, sum Shaila millum Garðarnar setti í 2009.

Í 3-2 verða myndir frá Danish Open at síggja í kvøld. Millum annað sæst Pál Joensen, sum svam skjótastu tíð í heiminum higartil í ár í 800 metur finaluni