Byggja nýtt missiónshús í Gøtu

Nú verður farið undir aftur verkætlanina at byggja nýtt missiónshús í Gøtu. 

Tað skrivar Trúboðin á heimasíðuni. 

Upprunaliga var ætlanin at arbeiðið skuldi byrja fyri tveimum árum síðani, tá gamla missiónshúsið Bethania varð tikið niður, men stígur kom í verkætlanina. Orsøkin var staðsetingin, tí Landsverk kravdi, at húsið skuldi vera 25 metrar frá landsvegnum. 

Síðani hava fundir verið millum stýrið fyri missiónshúsið, Eysturkommunu og landsverk, sum nú hevur givið grønt ljós til verktæanina. 

Grundstykkið er grivið, og nú verður farið undir at spreingja og planera. 

Torleif Justinussen, limur í stýrinum fyri Missiónshúsið, sigur við Trúboðan, at stýrið hevur ikki sett nakra freist fyri, nær nýggja húsið skal vera liðugt. 

Tað er teknistovan í Gøtu, sum hevur teknað nýggja missiónshúsið.