Nýggir skúlastjórar í Hvalba og Vági

Tveir skúlar í Suðuroynni skulu hava nýggjan skúlastjóra.

Mentamálaráðið søkir eftir skúlastjóra til Hvalbiar skúla og til Vágs skúla. Størvini skulu setast 1.august, og umsóknarfreistin er til 5.juni.

Í Vágs skúla eru 196 næmingar í tíggju árgangum og 18 lærarar, í Hvalbiar skúla eru 82 næmingar í níggju árgangum og níggju lærarar.

Sambært heimasíðuni hjá Lærarafelagnum er Eydna Danielsen skúlastjóri í Hvalba og Óli í Hjøllum í Vági.