Roynir at fáa Føroyum sjálvstøðugan limaskap

Í morgin fer Kaj Leo Holm Johannesen, løgmaður, á fund við forsetan í altjóða olympisku nevndini IOC, Thomas Bach. 

Málið er at vinna Føroyum sjálvstøðugan olympiskan limaskap.

Føroyar hava síðani 1984 roynt at fingið sjálvstøðugan limaskap, men uttan úrslit. 

Á fundinum fer løgmaður at føra fram, at Føroyar luku treytirnar fyri limaskapi, tá umsóknin fyrstu ferð varð latin IOC í 1984.

Og tí heldur løgmaður, at IOC eigur at viðgera føroysku umsóknina eftir reglunum, sum vóru galdandi í 1984, tá eisini lond, sum ikki eru fullveldisríki, fingu limaskap. 

Við sær á fundin hevur løgmaður eitt skriv frá danska forsætisráðharranum Helle Thorning- Schmidt, sum stuðlar føroyska ynskinum um sjálvstøðugan limaskap í olympisku nevndini.