Donsk veljarakanning: Føroyar og Grønland avgerða

Kanningin, sum Megafon hevur gjørt fyri Politiken og Tv2, vísir, at tað stendur á jøvnum millum reyða og bláa veingin.

Báðir veingir fáa sambært kanningini 50 prosent av atkvøðunum. Hóast tað stendur á jøvnum í prosentum, fáa borgarligu flokkarnir 88 sessir og flokkarnir á reyða veingi 87. 

Í kanningini verður roknað við, at reyði vongurin fær tríggjar fólkatingsessir í Føroyum og Grønlandi og blái vongurin ein sess. 

Thorning í oddinum

Sambært kanningini verður sosialdemokratiski flokkurin størstur við 25,3 prosent. Vinstriflokkurin fær 21,1 prosent. 

Ein onnur veljarakanning, sum Wilke-stovnurin hevur gjørt, vísir, at 51,6 prosent av veljarunum høvdu atkvøtt fyri flokkunum á reyða veingi. Borgarligu flokkarnir høvdu sambært hesi kanningni fingið 48,4 prosent.