Miðnám á Kambsdali og HF-deildina søkja rektara

Bjørn Kalsø, landsstýrismaður, hevur avgjørt, at Studentaskúlin og HF-skeiðið í Eysturoy, Handilsskúlin á Kambsdali, sum nú er ein deild hjá Føroya Handilsskúla í Havn, og HF-deildin í Klaksvík skulu undir eina leiðslu næsta skúlaár, sum byrjar um minni enn tveir mánaðir.

Miðnámsskúlin á Kambsdali verður í løtuni útbygdur. Skúlin fær 1200 fermetrar aftururat, og 500 fermetrar verða umbygdir. 

Arbeiðið kostar 31 mió. kr. Fyri tær fær skúlin millum annað átta skúlastovur afturat, høli til lærarafyrireiking, bókasavn, bólkarúm og høli til umsitingina.