Nú byrjar dysturin um fiskidagarnar

Í dag byrjar árligi dysturin um fiskidagarnar næsta fiskiár, sum byrjar 1.september.

Tí í dag fær landsstýrismaðurin í fiskivinnumálum tilmælið frá Havstovuni um fiskidagar.

Og um nakrar dagar kemur so tilmælið frá Fiskidaganevndini.

Í Fiskidaganevndini eru feløgini hjá skipum og bátum, sum hava fiskidagar, og Fiskimannafelagið. 

Landsstýrismaðurin ger síðani eitt uppskot um broytingar í lógini um vinnuligan fiskiskap, sum hann leggur fyri løgtingið á ólavsøku.

Og í seinasta lagi 18.august skal løgtingið hava avgjørt, hvussu nógvar fiskidagar, flotin fær í fiskiárinum 2015-2016.