Kári fer at atkvøða um at átala seg sjálvan

Sjálvstýrismaðurin Kári P. Højgaard fer sjálvur at atkvøða, tá Løgtingið skal taka støðu til, um hann sjálvur skal hava eina revsirættarliga átalu ella ikki.

Tingskipanin hevur ongar ásetingar, sum gera tingfólk ógegnig í málum, sum snúgva seg um einstøk tingfólk.

Kári P. Højgaard kann av somu orsøk vera við í viðgerðini og atkvøða, tá málið um hansara leiklut í málinum um Skálafjarðatunnilin kemur fyri Løgtingið.

Og tað fer hann at gera sær dælt av.

- Eg eri fegin um, at eg sleppi at gera vart við míni sjónarmið á tingsins røðarapalli, og eg fari ikki at kalla eykamann inn, hóast hetta málið snýr seg um meg, sigur Kári P. Højgaard, tingmaður fyri Nýtt Sjálvstýri.