Magnus flestar atkvøður í Runavík

Magnus Rasmussen, valevni fyri Sambandsflokkin, hevur staðið seg væl til hetta løgtingsvalið. Við 342 atkvøðum hevur hann fingið flestar persónligar atkvøður.

Sambandsflokkurin hevur havt eitt gott val í Runavík, tí flokkurin eigur 29 prosent av øllum atkvøðunum.

Talan er um eina framgongd á trý prosentstig, men tað er ikki størsta framgongdin, tí hana hevur Javnaðarflokkurin við 5,5 prosentstigum.

Fólkaflokkurin hevur størstu afturgongdina við fimm prosentstigum.

Samlaða valúrslitið í Runavík sæst her: Valúrslitið í Runavík