Kaj Leo loystur úr løgmansembætinum

Kaj Leo Holm Johannesen er nú formliga loystur úr starvinum sum løgmaður.

Hann sendi í gjár Jógvani á Lakjuni, løgtingsformanni, umbøn um at sleppa frá sum løgmaður, og hesum hevur løgtingsformaðurin eftirlíkað. 

Kaj Leo Holm Johannesen er samstundis biðin um at halda fram sum løgmaður, til nýggj samgonga er skipað.

Nú klokkan 14 fer løgtingsformaðurin at hava fund við floksformenninar hvør sær, hvønn teir vísa á skal fáa litið upp í hendi at standa á odda fyri samgongusamráðingunum.

Tann fyrsti floksformaðurin, sum Jógvan á Lakjuni fer at hitta, er Aksel V. Johannesen, formaður í Javnaðarflokkinum.

Meiri verður at frætta í útvarsptíðindunum klokkan 15.