Oljugoymslur hjá Magn umhvørvisgóðkendar

Á Viðarnesi í Tórshavn tekur P/f Magn ímóti gassolju og dieselolju frá tangaskipum og veitir gassolju til skip. Harafturat hevur Magn oljugoymslu í tangum, pumpustøð til tangabilar og goymslu av olju og kemikalia í smærri íløtum á staðnum.

Við Grótrætt í Klaksvík tekur P/f Magn ímóti gassolju og benzini frá tangaskipum og veitir gassolju til skip. P/f Magn hevur eisini oljugoymslu í tangum, pumpustøð til tangabilar og goymslu av olju og kemikalia í smærri íløtum við Grótrætt í Klaksvík.

Umhvørvisgóðkenningin kann kærast

Í málsviðgerðini er serligur dentur lagdur á, at dálkandi evni ikki verða leidd út á sjógv og í umhvørvið annars, at virki hevur mannagongdir at fyribyrgja dálkandi óhappum og útgerð ella avtalu um tøka útgerð, um óhapp skuldi hent.

Til ber at kæra avgerðina um umhvørvisgóðkenning. Kærurætt hav tey, sum avgerðin hevur ein serstakan, beinleiðis og persónliga týdning fyri.

Evsta mark at kæra avgerðina um umhvørvisgóðkenning er um ein mánað, 30. oktober. Møguligar kærur skulu sendast Umhvørvisstovuni.