Oljuprísurin farin illa við felagnum

Atlantic Petroleum fekk 471.000 tunnur av olju í sín part í fjør. Tað eru knappliga 75 milliónir litrar. Í desember í fjør var framleiðslan bara 25.000 tunnur.

Lági oljuprísurin er farin illa við oljufelagnum Atlanic Petroleum, ið roynir at bjarga sær undan at koma undir umsiting.

Undir serligum eftirliti

Síðani 17. desember í fjør hevur felagið verið undir serligum eftirliti í keypsskálanum í Oslo, har sum felagið er skrásett.

Roknskapurin hjá Atlantic Petroleum fyri 2015 verður kunngjørdur 22. mars, og aðalfundurin verður 19. apríl.

Í gjár kostaði partabrævið í Atlantic Petroleum 6,75 danskar krónur í keypsskálanum í Keypmannahavn, og 6,60 norskar, sum eru 5,08 danskar, í keypsskálanum í Oslo.