Fólkaatkvøða um skúlasamanlegging

Í Hósvík og í Hvalvík skulu tey nú kunnast um ætlanina at leggja skúlarnar í Sunda Kommunu saman í ein skúla.

Hesa komandi vikuna verða almennir borgarafundir í Hósvík og Hvalvík um samanleggingina og hvørja avleiðing tað fær, antin tað verður eitt nei ella eitt ja til at leggja skúlarnar saman.

Fólkaatkvøða verður tann 26. januar um at leggja skúlarnar saman. Borgarar í Hósvík og í Hvalvík hava biðið um fólkaatkvøðu.

Borgarafundurin í Hósvík verður í bygdarhúsinum nú týskvøldið klokkan 19, meðan borgarafundurin í Hvalvík verður á skúlaloftinum í Hvalvíkar skúla mikukvøldið klokkan 19.