- Tíðindi, mentan og ítróttur
Pening fyri at hava børnini heima
Pening fyri at hava børnini heima
Kommunurnar eiga at geva foreldrum, sum eru heima hjá børnum sínum, pengar fyri tað, halda tveir tingmenn hjá Nýggjum Sjálvstýri
Foreldur, ið eru heima hjá børnum, eiga at fáa pening frá kommununum, halda Bárður Kass Nielsen og Kári P. Højgaard hjá Nýggjum Sjálvstýri
25.02.2016 - 09:39
Bárður Kass Nielsen og Kári P. Højgaard, tingmenn hjá Nýggjum Sjálvstýri, vilja hava Løgtingið at fáa landsstýrið at dagføra og endurskoða lógina um dagstovnar og dagrøkt soleiðis, at kommunur kunnu stuðla foreldrum, sum vilja ansa børnum sínum heima.
Tilboðið fer at eggja smábarnafamiljum at flyta til Føroya, siga tingmenninir. Teir nevna ikki, hvussu nógv, fólk eiga at fáa frá kommununum fyri at vera heima hjá sínum egnu børnum.
Teir nevna tó, at í Danmark lata kommunur 5.000 til 7.000 kr. um mánaðin fyri børn, sum eru upp í trý ára gomul, og 3.000 til 4.000 kr. um mánaðin fyri børn, sum eru fýra, fimm ella seks ára gomul. Ískoytið kann latast í upp til eitt ár.
Er kopiera
Nýggjastu sendingar í ÚV
Nýggjastu sendingar í SV
