Makaskifti ávirkar ikki Glasir

Tað fær onga ávirkan á játtanina til Glasir, at Handilsskúlin er brúktur í makaskiftinum við Tórshavnar kommunu, so Mentamálaráðið fær Læraraskúlan og Venjingarskúlan til Fróðskaparsetrið.

Mentamálaráðið ætlaði eina ferð at selja Handilsskúlan. 

Í langtíðarløguætlanini, sum landsstýrið gjørdi í 2013, varð roknað við, at Mentamálaráðið skuldi selja bygningar fyri 60 milliónir krónur í 2016. 

Mentamálaráðið ætlaði at selja Handilsskúlan og hallirnar hjá Tekniska skúla, tá Marknagilsdepilin, sum hann tá kallaðist, er liðugur. 

Tá, í 2013, søgdu fimm-seks ára gamlar metingar, at hallirnar eru verdar 37 milliónir krónur og Handilsskúlin 34 milliónir krónur. 

Er verdur 20 mió. kr.

Poul Geert Hansen, aðalstjóri í Mentamálaráðnum, sigur, at Handilsskúlin nú er verdur 20 mió. kr. 

Men hann er ikki við í pengunum, sum skulu brúkast til Glasir

Ætlanin er framvegis at selja hallirnar hjá Tekniska skúla.

Hvussu verður við skúlanum í Hoydølum er ikki avgjørt enn, sigur aðalstjórin.