Útiseti? Soleiðis kanst tú fylgja valinum

Býrt tú uttanlands, ella ert tú staddur uttanlands, so er tað eingin forðing fyri, at tú kanst fylgja við kommunuvalinum í Kringvarpinum gjøgnum allan dagin.

Vanliga hava vit ikki rættindi at senda beinleiðis sendingar til føroyingar uttanlands á heimasíðuni kvf.fo, men tað hava vit í dag, og tað fært tú ágóðan av.

Tú kanst fylgja við kommunuvalinum 2016 gjøgnum allan dagin á slóðunum her Útvarpið beinleiðis og her Sjónvarpið beinleiðis.

Vit halda á til liðugt er

Talgildu miðlarnir hjá okkum dekka valið gjøgnum allan dagin, og vit gevast ikki fyrr enn øll úrslitini í teimum 29 kommununum eru klár seint í kvøld.

Útvarpið byrjaði valdekkningin tíðliga í morgun, og okkara starvsfólk geva tær tað nýggjasta úr øllum krókum í landinum í sendingum og tíðindasendingum.

Sjónvarpið byrjar at senda klokkan 19 í kvøld. Vit hava fólk í øllum landinum og senda beinleiðis úr øllum teimum størru oyggjunum til liðugt er í kvøld.