Kunnu fiska meira sild

Kunnu fiska meira sild
Nótaskip og ídnaðarskip kunnu nú fiska 1.800 tons av norðhavssild aftrat. Kvotan verður býtt millum skipabólkarnar eftir vanliga leistinum
Nóta- og ídnaðarskip kunnu nú fiska meira norðhavssild. Landsstýrismaðurin hevur broytt skipanina í fiskiskapinum eftir norðhavssild
 
30.11.2016 - 09:21

Høgni Hoydal, landsstýrismaður í fiskivinnumálum, hevur gjørt av at broyta skipanina í fiskiskapinum eftir norðhavssild.

Tað er gjørt, so at nótaskip og ídnaðarskip nú kunnu fiska av kvotunum, ið upprunaliga vórðu settar av til hjáveiðu í øðrum fiskiskapi og til vísindaligar rannsóknir.  

SÍ EISINI Stovnurin næstan óbroyttur

Í sildakunngerðini eru 2.000 tons sett av til hjáveiðu í millum annað makrelveiðu. Higartil eru bara fiskað góð 500 tons av kvotuni.

Útlit eru ikki til, at hon verður fiskað, sigur Fiskimálaráðið. Tey 500 tonsini, ið eru sett av til vísindaligar kanningar, verða heldur ikki brúkt í ár.

Býtt eftir vanligum leisti

Sildakunngerðin sigur, at eru líkindi fyri, at kvotur ikki verða fiskaðar, kann landsstýrismaðurin loyva nótaskipum og ídnaðarskipum at fiska av kvotunum.

Broytingin ber í sær, at nótaskip og ídnaðarskip kunnu fiska 1.800 tons av norðhavssild afturat. Kvotan verður býtt millum skipabólkarnar eftir vanliga leistinum.

Tey, ið ætla at fiska av hesum kvotum, skulu søkja Vørn, - Fiskiveiðieftirlitið - um fiskiloyvi.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486