- Tíðindi, mentan og ítróttur
"Putin stuðlaði Trump"
"Putin stuðlaði Trump"
Amerikanska fregnartænastan hevur almannakunngjørt ein part av einari frágreiðing um russisk telduálop móti USA undir forsetavalinum
07.01.2017 - 10:25
"Vit meta, at russiski forsetin, Vladimir Putin, gav boð um, at valdysturin í 2016 skuldi ávirkast. Endamálið hjá Russlandi var máa støði undan almenna álitinum á fólkaræðisligu mannagongdina, at skaða álitið hjá Hillary Clinton og skaða hennara møguleikar at gerast forseti".
Hetta stendur í einari frágreiðing, sum amerikanska fregnartænastan júst hevur almannakunngjørt um russisk telduálop móti USA undir forsetavalinum.
Frágreiðingin vil vera við, at russiskir teldusníkar royndu at ávirka forsetavalið til fyrimuns fyri Donald Trump.
Russland vísir aftur ákærurnar í frágreiðingini.
Komandi amerikanski forsetin Donald Trump vísir aftur, at Russland var tað einasta landið, sum stóð fyri álopunum, og at álopini høvdu nakran týdning fyri úrslitið av valinum.
Er kopiera
Nýggjastu sendingar í ÚV
Nýggjastu sendingar í SV
