Glasir skaða í ódnarveðrinum

Nakað fyri jól var eitt fyribils tak lagt á, sum skuldi forða fyri at vatn rann niður í bygningin. Talan var um eitt tak úr plasti, sum vanliga verður nýtt tá takt verður.

Fyribilstakið skuldi tetta bygningin, so arbeiðast kundi í bygninginum. Ætlanin var at gera veggir og gólv, tá bygningurin var tættur.

Men illveðrið á jólum skræddi alt takið av, og vatn seyrar tí niður í bygningin. Talan er um ovastu hæddina á bygninginum, ella sættu hædd. Av tí sama ber ikki til at arbeiða í bygninginum í løtuni.

Útlendingar hjálpa til

Evald Kjølbro, stjóri á Landsverki sigur, at fólk eru komin bæði úr Noreg og úr Danmark at hjálpa til við at fáa tett bygningin aftur. Hvussu langa tíð tað fer at taka, kann stjórin einki siga um í løtuni.

Og av tí sama kann hann heldur einki siga um, hvussu leingi arbeiðið verður seinkað av stormskaðanum.

Evald Kjølbro, stjóri á Landsverki, fegnast tó um, at vindeyguni og rútarnir í bygninginum hildu í ringa veðrinum á jólum.