Vrakið selt fyri eina krónu

Vrakið av garnaskipinum Vesturlandi er selt til upphøggingar fyri eina krónu.

Smápartafelagið 12.08.09 í Skálafirði hevur keypt vrakið frá Thor í Hósvík. Vesturland liggur á Skála.

Tryggingarfelagið avgjørdi, at tað loysir seg ikki at gera Vesturland aftur.

Tað kostar meira at gera skipið aftur enn tað er tryggjað fyri. Ti hevur Tryggingarfelagið Føroyar gjørt av, at skipið ikki verður umvælt.

Eldur kom í Vesturland um middagsleitið 7.januar, tá skipið royndi við gørnum vestur av Føroya Banka. 

Thor varðveitir veiðiloyvið hjá Vesturlandi, sum hevði loyvi at fiska svartkalva og havtasku við gørnum á føroysku landleiðunum.