Vit fáa etiskt ráð

Føroyar fáa nú etiskt ráð.

Sirið Stenberg, landsstýriskvinna í heilsumálum, hevur fingið undirtøku fyri at leggja fram uppskot um etiskt ráð, og landsstýriskvinnan væntar, at uppskotið verður lagt fyri tingið í morgin.

Málið var fyri á landsstýrisfundi í dag, og har var undirtøka fyri at leggja uppskotið fram.

Etiska ráðið hevur til endamáls at fremja og styrkja kjak og vitan um etiskar spurningar á heilsuøkinum, sæst í uppskotinum, sum varð sent til hoyringar í desember í fjør.

Sjey limir fara at manna etiska ráðið, sambært uppskotinum hjá Sirið Stenberg.