Týskt njósnaraskip á Kollafirði

Skipið eitur Oker A53, og er eitt av trimum skipum, sum týski herurin eigur av hesum slagnum. Skipið er bygt í 1988 og tað er gjørt til at fregnast um russisk skip.

Sambært Arktisk Kommando hevur skipið herskúlanæmingar umborð og vitjar í Føroyum sum skúlaskip.

Ikki í hernaðarligum ørindum

21 herskúlanæmingar eru við umborð, sigur Per Højgaard Jensen, ovasti hjá Arktisk Kommando í Føroyum. 

- Skipið er ikki á hesum leiðum í hernaðarligum ørindum, men man hyggur sjálvsagt eftir, hvat er á leiðini, nú man er her, sigur Per Højgaard Jensen. Hann veit ikki um, at skipið hevur verið í Føroyum fyrr. 

Oker liggur til mánadagin 6. mars, sambært Faroe Agency, ið er umboð hjá skipinum í Føroyum. Faroe Agency hevur ongar upplýsingar fingið um, hvat skipið ger í Føroyum.