Øll innangarðsjørðin skift av nýggjum

Yvirútskiftingarnevndin hevur gjørt endaligan úrskurð í málinum um innangarðs útskiftingina í markatalsbygdini Strendur, skrivar Sjóvar kommuna á heimasíðuni.

Neyðugt var at útskifta jørðina innangarðs fyri at leggja saman smærru eindirnar av jørð í størri eindir. Fólk, sum eiga jørð, kundu seta fram ynski áðrenn innangarðs jørðin varð útskift.

Útskiftingarnevndin hevur í samband við arbeiðið roynt at eftirlíka ynskjunum hjá eigarunum. Tó hevur verið neyðugt í einstøkum førum at ognartaka nakað av jørð innangarðs.

Kommunalu myndugleikarnir fara nú í samráð við útskiftingarnevndina at gera av, hvussu nógv skal leggjast út til sethúsabygging. Lendi skal eisini leggjast út til broytingar í vegagerðini í kommununi.