Vatnbreytin skjótt liðug

Arbeiðið, at seta upp vatnbreytina í Svimjihøllini í Gundadali, gongur væl, og breytin verður væntandi klár at brúka miðskeiðis í hesum mánaðinum, skrivar Tórshavnar kommuna.

Vatnbreytin verður 72 metrar lang, og ein lítil vatnbreyt verður eisini sett upp til smærri børn. Samlaða verkætlanin kostar góðar 3,6 milliónir krónur.

Umleið 500 fólk vitja hvønn dag Svimjihøllina í Gundadali, um summarið tó nakað væl fleiri fólk, tá útivið 800 fólk brúka svimjihøllina.