Afturgongd, men varðveitir meirilutan

07.05.2017 - 14:05
AktueltPolitikkur
Afturgongd, men varðveitir meirilutan
Samgongan gongur aftur, men varðveitir meirilutan, sambært nýggjari veljarakanning, sum Gallup hevur gjørt fyri Vágaportalin
 

Ein nýggj veljarakanning er júst gjørd, sum vísir, at sitandi samgonga hevur afturgongd, men samstundis varðveitir meirilutan. Gallup hevur gjørt veljarakanningina fyri vp.fo.

Fólkaflokkurin og Sambandsflokkurin høvdu fingið eitt umboð afturat á ting, meðan Sjálvstýri er stóri taparin og ikki fær umboð á ting, um val hevði verið nú. 

Javnaðaflokkurin størstur

Javnaðarflokkurin er framvegis størsti flokkur og varðveitir síni 8 tingfólk. Flokkurin fær 24,7 prosent. Eitt hálvt prosentstig - færri enn á seinasta løgtingsvali í 2015.

Honum næstur er Fólkaflokkurin, sum fær góð 21 prosent av atkvøðunum - góð 2 prosent fleiri enn á valinum og tað gevur flokkinum eitt tingfólk afturat - tað vil siga 7.

Hin stóri andstøðuflokkurin, Sambandsflokkurin, hevur eisini framgongd og fær eitt tingfólk afturat, sambært kanningini. Sambandsflokkurin fær 20,4 prosent, sum er 1,7 prosentstig fleiri enn á valinum. Honum næstur er Tjóðveldi við 19,9 prosentum, sum fer aftur við 0,9 prosentstigum. 
Miðflokkurin fær 6,1 prosent, tað er 0,6 prosentstig fleiri enn á valinum.

Framsókn missir hálvt annað prosentstig og fær 5,5 prosent av atkvøðunum, sambært Gallup-kanningini.

Stóri taparin, sambært kanningini, er Sjálvstýri, sum missir bæði umboðini, tí hann við 2,3 prosentum ikki megnar at koma upp um sperrumarkið.

Er kopiera
Nýggjastu sendingar í ÚV
Mikudag 7. desember
Góðan morgun Føroyar 07. desember 2022
149052
Mikudag 7. desember
Morgunlestur mikudagur 7. desember 2022
148411
Týsdag 6. desember
Framsókn í Tinginum
149004
Týsdag 6. desember
Góðan morgun Føroyar 06. desember 2022
148998
Nýggjastu sendingar í SV
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753
Mánadag 5. desember
Val kring landið - Setrið í Havn
148951