Gjaldskipan trupla byrjan

22.05.2017 - 18:04
AktueltSamfelag
Gjaldskipan trupla byrjan
Skipanin, við at krevja pening frá fólki, sum fara til Mykines, riggar sum heild ov illa. Tað ásanna hagastýrisformaður og umboð fyri ferðavinnuna
Skipanin, við at krevja pening frá ferðafólki í Mykinesi, riggar enn ov illa. Næsta summar verður vónandi frægari, vónar hagastýrisformaður
 

Hagastýrini í Mykinesi eru, umvegis ferðsaskrivstovur, farin undir at krevja pengar inn frá fólki, sum fara túrar til Mykines. Men enn riggar gjaldskipanin sum heild ov illa. 

Tað ásannar Eddie Lauritsen, ein av teimum fýra hagastýrisformonnunum. Tað halda eisini fleiri ferðaskrivstovur; millum annað GreenGate Incoming, ið selur bólkatúrar til Mykines.

SÍ EISINI Fer at kosta at ganga í Mykinesi

Ferðaskrivstovurnar í Føroyum hava fingið skriv frá hagastýrunum í Mykinesi, har heitt verður á ferðaskrivstovurnar um at krevja 100 krónur eyka frá ferðafólkum, sum keypa bólkatúrar út í Mykines, og at flyta pengarnar á konto hjá hagastýrunum.

Og tað royna ferðaskrivstovurnar nú at gera eftir førimuni. Hilda Thomsen, ið selur bólkatúrar til Mykines hjá Greengate, heldur tó, at sum nú er eru fleiri trpulleikar hjá ferðaskrivstovum at krevja pengar inn.

Arbeiða við eini aðrari skipan

Millum annað ber illa til at krevja 100 krónur eyka inn frá ferðafólki, sum hava bílagt túrin langt frammanundan.

Eddie Lauritsen, ein av teimum fýra hagastýrisformonnunum, ásannar, at gjaldskipanin ikki riggar nóg væl enn. Tí til ber ikki at krevja pengar inn frá einstaklingum, sum koma til Mykines við Jósupi ella tyrluni.

Tað vil siga, at sum nú er standa fólk ikki og krevja pengar frá einstaklingum, sum koma út í oynna við Jósupi ella tyrluni. Men hagastýrini arbeiða við at gera eina skipan, har ferðafólkini rinda umborð á bátinum ella tyrluni.

Betri vónir til næsta summar

Hjá GreenGate halda tey, at tað er ein góð loysn, at ferðaskrivstovurnar sleppa undan at krevja pengar inn, men at ferðafólkini til dømis rinda umborð á Jósupi.

Tað hevði eisini loyst ein annan stóran trupuleika, sum er, at gjaldskipanin er kappingaravleiðandi. Tí fleiri útlendskar ferðaskrivstovur gera eisini túrar til Mykines, og tey hava ikki fingið boðini um at krevja 100 krónur eyka inn.

Eddie Lauritsen, ein av teimum fýra hagastýrisformonnunum í Mykinesi, sigur, at gjaldskipanin og ætlanin um, at allir túrar út í Hólmin skulu verða við ferðaleiðara, vónandi eru komin í rætt lag næsta ár.

Er kopiera
Nýggjastu sendingar í ÚV
Fríggjadag 22. september
RagnarRokk: Danny Hynes um New Clear Power
163174
Fríggjadag 22. september
Breddin: Hans Pauli Henryson og Ukraina
163161
Fríggjadag 22. september
Góðan morgun Føroyar 22.09.2023
163157
Fríggjadag 22. september
Morgunlestur fríggjadagur 22. september 2023
162926
Hósdag 21. september
RagnarRokk 21.september 2023
162624
Nýggjastu sendingar í SV
Hósdag 21. september
Fagnaðarløta fyri Martini Joensen
162865
Týsdag 19. september
Veðrið
163001
Mánadag 18. september
Andakt við Ellindi Abrahamsen
162894
Sunnudag 17. september
Guðstænasta Í Havnar kirkja
162875
Fríggjadag 15. september
Veðrið
162825