Fleiri lyklaspælarar eru skaddir

Lars Olsen, landsliðsvenjari, kunngjørdi í dag ein hóp við 22 spælarum, sum skulu spæla móti Portugal og Andorra.

Fróði Benjaminsen er úttikin, men hann er bara tøkur til dystin móti Andorra. 

Tað hevur við sær, at kjarnan á miðvøllinum við Fróða Benjaminsen, Brandi Olsen og Halli Hansson heldur ikki verður tøk til dystin móti Portugal.

Sterki miðverjin, Sonni Ragnar Nattestad, er eisini framvegis skaddur, og verður tí heldur ikki við.

Tá Føroyar spældu móti Sveis spældi Johan Troest Davidsen í miðverjuni saman við Atla Gregersen. Men HB-miðverjin hevur givið avboð til hesar báðar landsdystirnar.

Ein sum ofta hevur givið avboð er miðvallarin úr B36, Róaldur Jakobsen, men hann er í hópinum hesaferð.

Kann taka ein við afturat

Vanliga verða 23 spælarar úttiknir, men hesaferð hevur Lars Olsen bara úttikið 22 spælarar. 

Tað hevur við sær, at hann kann taka ein spælara afturat við í hópin til seinna dystin móti Andorra.

Tað verður gitt, at tað plássið er goymt til Hall Hansson, um hann skuldi blivi klárur. Tað ljóðar, at hann fyri stuttum er byrjaður at venja við bólti aftur.

Hópurin:

Føroyar spæla ímóti Portugal í Porto hósdagin 31.august klokkan 19.45.

Dysturin móti Andorra verður á Tórsvølli sunnudagin 3.september klokkan 17.00