Nú skulu tey 61 kirkjuráðini mannast

Listarnir til kirkjuráðsvalið í november skulu vera inni í morgin.

Sjálvt valið verður tann 7 november, og tá verður atkvøtt, hvørjir persónar skulu manna tey 61 kirkjuráðini í Føroyum.

Eitt kirkjuráðsval fer fram sum eitt hvørt annað fólkaræðisligt val. Listar verða gjørdir, tað eru stillarar og valevni, og síðani fara limir í fólkakirkjuni á val.

Eitt kirkjuráð er tað staðbundna ráðið, sum hevur ábyrgd av kirkjuni á staðnum – tað verið seg eitt nú fíggjarviðurskifti, val av klokkara, urguleikara og onkuntíð val av presti.

Kirkjuráðsval er fjóðra hvørt ár.