Fíggjarlógin fer at geva 408 milliónir í avlopi

Fyrrapartin var fíggjarlógaruppskotið lagt fram á tíðindifundi úti í fíggjarmálaráðnum. 

Øll fíggjartøl peika rættan veg í løtuni. Inntøkurnar næsta ár fara at vaksa við yvir 400 milliónum. Tað sigur Kristina Háfoss, landsstýriskvinna í fíggjarmálum. Rakstrarútreiðslurnar hækka 1,9 prosent, men tær fara at hækka enn meira, tá sáttmálarnir eru gjørdir á arbeiðsmarknaðinum. Íløgurnar vaksa eisini munandi.

Fíggjarlógaruppskotið er eisini lagt fyri løgtingið, og 1. viðgerð av uppskotinum verður á løgtingsfundi mikudagin 4. oktober og hósdagin 5. oktober.