Annette Vilhelmsen tikið seg úr SF

Fyrrverandi forkvinnan í Sosialistiska fólkaflokkinum í Danmark, Annette Vilhelmsen, hevur tikið seg úr flokkinum, skrivar Ekstra Blaðið.

Leiðslan í SF váttar, at hon er farin úr flokkinum.

Annette Vilhelmsen gjørdist forkvinna í SF í 2012, tá Villy Søvndal legði frá sær. Hon var forkvinna til 2014.

Tá noyddist Annette Vilhelmsen at taka SF úr stjórnini og fara frá sum forkvinna í flokkinum, tí flokkurin var ósamdur um avgerðina at selja orkufelagið Dong.