Næstan 1000 fólk heimleys í Grønlandi

Tað sigur landsstýriskvinnan í almannamálum, Sara Olsvig, í svari til landstings-kvinnuna, Aaja Chemnitz Larsen, sum spurdi um talið á heimleysum í Grønlandi.

Einki yvirlit er yvir heimleysar borgarar í Grønlandi, men landsstýrið hevur spurt seg fyri hjá kommununum.

Eftir svarunum hjá kommununum kemur fram, at tað eru tilsamans 878 heimleysir borgarar í Grønlandi. Flestu teirra eru í Kujalleq kommunu. 

Landsstýrið sigur tó, at fyrivarni má takast fyri, at kommunurnar meta ymiskt um, hvat tað er at vera heimleysur.

Sara Olsvig, landastýriskvinna, sigur, at hon saman við kommununum, granskarum og felagsskapum fer at umrøða, hvørji átøk skulu gerast fyri at fyribyrgja, at fólk gerast heimleys.