Heilsufrøðiliga ávarar eisini móti rýmdum laksi

Heilsufrøðiliga starvstova ávarar eisini móti at eta laksin, sum slapp úr tí eina ringinum á Gulanum undir Argjalandinum í alibrúkinum hjá Bakkafrosti har.

Laksurin er nýliga viðgjørdur við lúsaevnininum Slice, og kann tí ikki etast fyrr enn fyrst í februar næsta ár.
Slice verður brúkt móti laksalús. 

Heilsufrøðiliga starvsstova sigur, at laksurin er helst farin runt um alt landið.

Skal fyribeinast

Fyri at fyribyrgja møguligari smittu í alivinnuni, eigur fiskaður laksur at latast landstøðini hjá Bakkafrosti Farming á Vestaru bryggju í Havn, telefonin er 23 51 42, ella latast brennistøð í tættum plastposa.

Heilsufrøðiliga starvstova sigur, at laksurin er óegnaður til matna.

Tað er tí ikki nøkur loysn at goyma hann til dømis í frystiboks til eftir 2.februar 2018, tí heilivágurin verður verandi í deyða laksinum.