Makrelkunngerðin: sløk 11.000 tons fara á uppboð

Rætturin at fiska 10.900 tons av makreli verður seldur á uppboði í ár.

Og sløk 7.000 tons eru sett av til menningarkvotur.

Kunngerðin um makrelfiskiskapin í ár varð lýst í gjár.

Kvotan er 103.000 tons. Skip undir føroyskum flaggi sleppa at fiska 82.000 tons.

35.600 tons verða latin nótaskipunum sum eginkvotur.

Tíggju prosent av eginkvotu kunnu flytast til 2019.

Hitt verður latið teimum, sum høvdu loyvi at fiska makrel í fjør, sum felagskvota hjá hvørjum skipabólki.

Havstovan fær 1.900 tons at brúka sum samsýning fyri við vísindaligar fiskirannsóknir á landleiðunum.