Rættarmálið móti Eikmonnunum byrjar hálvan januar

Mánadagin 15.januar byrjar rættamálið hjá Fíggjarligum støðufesti móti oddamonnunum í Eik banka. Viðgerðin í Føroya rætti endar ikki fyrr enn í august næsta ár.

Fíggjarligt støðufesti stevnir eftir 150 milliónum krónum. Teir saksøktu fara at krevja frídøming, tá málið kemur í rættin.

Nógvir dagar

Rættarfundir vera mánadag, týsdag, mikudag og hósdag aðru hvørja viku. 130 dagar eru settir av í ár, og nakrir dagar í 2019 eru eisini settir av, um brúk verður fyri teimum. 

Fíggjarligt støðufesti stevndi á sumri 2016 Frithleifi Olsen, nevndarformanni í Eik, Odd Bjellvåg, næstformanni, Marneri Jacobsen, forstjóra, Bjarna Olsen, stjóra og Hans Laksá, grannskoðara.

Í minsta lagi 140 vitni skula avhoyrast.