Framvegis rokfiskiskapur hjá á Flemish Cap

Toskafiskiskapurin hjá teimum fimm línuskipunum, sum eru á Flemish Cap, er framvegis sera góður.

Tey fáa millum 23 og 30 tons av rundum um dagin, ella so nógv, sum tey klára at frysta, upplýsir Vørn.

Í gjár vóru góð 900 tons eftir av kvotuni, sum er 2491 tons.

Øll hava landað

Øll skipini hava verið inni í Bay Roberts í Nýfundlandi og landað. Higar eru okkurt um 300 fjórðingar at sigla av fiskileið.

Fiskurin skal til Føroya, so hann fer í bingjum við farmaskipi til Føroya úr Bay Roberts. 

Átta loyvi eru latin at fiska við línu á Flemish Cap, men har eru fimm føroysk línuskip, Klakkur, Eivind, Kambur, Ågot og Stapin. Tey frysta toskin umborð.

Trolarin Ran er eisini vestanfyri við Nýfundland. Hann fiskar svartkalva, og fiskiskapurin hjá honum er eisini góður, hann fær 15 tons um dagin.