Hummaramenn mist milliónir

12.02.2018 - 10:23
AktueltVinna
Hummaramenn mist milliónir
Hummaramenn hava mist góðar 46,7 mió. kr. frá 2001 til 2016, tí laksaaling er loyvd í firðum og sundum, har teir hava loyvi at fiska hummara.
 

Tað er ikki óhugsandi, at farið verður í rættin við kravi um endurgjald. 

Tað sigur Hummarafelagið í viðmerking um nýggj alilógina, sum er til viðgerðar í Vinnunevndini hjá løgtinginum.

Frá 1982 til 2000, tá litil og eingin aling var, vórðu í miðal góð 10,6 prosent av hummarakvotuni ikki fiskað.

Síðani 2000 eru sløk 42 prosent ikki fiskað, sigur Hummarafelagið.

Talan er um sjey støð, sum loyvi er givið til at ala og fiska hummara.

Hummarafelagið sigur, at laksaalingin er til stóran ampa fyri hummaraveiðuna, millum annað tí hon dálkar illa. 

Hummarafelagið sigur, at hummaraveiðan var fyrst á teimum sjey firðunum og sundunum.

Alifeløgini eru komin hagar seinni.

Hummarafelagið heldur ikki, at landstýrið kann útluta sama øki fleiri ferðir til ymisk áhugamál, uttan at lata teimum  endurgjald, sum vóru har frammanundan. 

Vinnunevndin fer at viðgera uppskotið um alilóg í morgin.    

Er kopiera
Nýggjastu sendingar í ÚV
Mánadag 5. desember
Norðurljóð 5.desember 2022
148954
Mánadag 5. desember
Orðatøk í Málteiginum
148950
Mánadag 5. desember
Góðan morgun Føroyar 05.12.2022
148946
Nýggjastu sendingar í SV
Mánadag 5. desember
Sjálvstýri í Andglettinum
148753
Mánadag 5. desember
Val kring landið - Setrið í Havn
148951
Sunnudag 4. desember
Annar sunnudagur í advent
148927
Sunnudag 4. desember
Guðstænasta í Vesturkirkjuni
148908
Fríggjadag 2. desember
Javnaðarflokkurin í Andglettinum
148751