Seinast røðan hjá Putin fyri forsetavalið

Um 17 dagar verður forsetaval í Russland. Í gjár helt Vladimir Putin, russiskur forseti, sína seinastu árligu samrøðu. 

Vladimir Putin stendur til at vinna enn eitt skeið í forsetasessinum.

- Hvør ein persónur hevur týdning fyri okkum, segði Putin og legði afturat, at hann vil hava fleiri í arbeiði og vil arbeiða fyri at hækka um livi-miðal-aldurin hjá russarum, so hann verður sum í Japan og í Fraklandi.

18 valevni bjóða av

BBC skrivar, at 18 valevni bjóða Vladimir Putin av, men eingin teirra fer væntandi at fáa nevniverdan stuðul frá veljarunum.

Kendasti andstøðingurin, Alexei Navalny, sleppur ikki at stilla upp og mælir veljarunum til at boykotta forsetavalið.

Vladimir Putin hevur ikki verið serliga virkin undir valstríðnum, og í røðu síni segði hann heldur ikki nógv um, hvørjar ætlanir hann hevur næstu seks árini.

Putin segði í røðuni, at Russland ikki kann taka vald sítt fyri givið.

- Vit hava ongan rætt at lata sjálvgleðina ráða, tí vit hava als ikki loyst nógvar av okkara trupulleikum, segði forsetin.

- Russland er nú eitt undangonguland við stórum møguleikum á uttanríkispolitiska økinum, bæði búskaparliga og hernaðarliga. Men havandi í huga sera týdningarmikla setningin at tryggja lívsgóðsku og vælferð hjá okkara fólki, so hava vit sjálvandi ikki rokkið málinum, segði Vladimir Putin m.a. í røðu síni sambært BBC.