Serbi og ukraini til 07 Vestur

04.03.2018 - 20:32
ÍtrótturFótbóltur
Serbi og ukraini til 07 Vestur
07 Vestur hevur í dag styrkt seg við tveimum útlendskum spælarum
Mynd: 07vestur.fo  
 

07 Vestur vil hava fótafesti í bestu deildini, og í dag hava teir skrivað tveir sáttmálar, sum fara at styrkja um hópin.

Annar er 26 ára gamli verjuspælarin,Nikola Krcmarevic, úr Serbia, sum hevur umboðað svenska felagið Syrianska, sum er í næstbestu svensku kappingini.

Hann hevur eisini roynt seg í bestu deildunum í Rumenia og Serbia, umframt at hann hevur spælt í næstbestu kappingini í Grikkalandi.

07 Vestur skrivar á heimasíðuni, at Nikola Krcmarevic eisini kann spæla á verjukenda miðvøllinum.

Miðvallari úr Ukraina

Hin spælarin er álopssinnaði miðvallarin úr Ukraina, Kyrylo Silich.

Kyrylo Silich hevur áður spælt í Estlandi, Lettlandi og Litava. 

Hópurin hjá 07 Vestur telur nú fimm útlendingar. Hinir eru Ken Fagerberg úr Svøríki, Ndende úr og Ivan Stojkovic úr Serbia.

Ndende og Ivan Stojkovic hava tó spælt so leingi í føroyskum fótbólti, at teir telja ikki við í útlendingakvotuni.

07 Vestur endaði í fjør á níggjunda plássi í Effodeildini.

 

 

 

Er kopiera
Nýggjastu sendingar í ÚV
Nýggjastu sendingar í SV
Mikudag 10. august
Úr savninum: Urtagarðurin 6:8
143136
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769