- Tíðindi, mentan og ítróttur
30 milliónir til útbygging av Miðnám á Kambsdali
30 milliónir til útbygging av Miðnám á Kambsdali
Landsstýriskvinnan í mentamálum biður nú løgtingið um heimild at fara undir triðja byggistið av Miðnámsskúlanum á Kambsdali
![](https://kvf.fo/sites/default/files/styles/grein-ovasta-mynd/public/handilsskulin_a_kambsdali.png?itok=Rfs9u32J)
08.03.2018 - 09:57
Landsstýriskvinnan í mentamálum biður nú løgtingið um heimild at fara undir triðja byggistið av Miðnámsskúlanum á Kambsdali.
Tilsamans skal løgtingið játta 30 milliónir krónur til útbyggingina.
Sambært viðmerkingunum til lógaruppskotið skulu pengarnir brúkast til at byggja út náttúruvísindaliga økið, felagsøki, køk, og undirvísingarhøli vegna økt virksemi. Eisini skulu pengar setast av til prosjektering, innbúgv og at gera seinastu útbygging lidna.
Á fíggjarlógini fyri 2018 eru fyrstu fimm milliónirnar settar av til útbyggingina. Síðani skulu játtast 8 milliónir næsta ár, 3,5 milliónir í 2020 og 13,5 milliónir í 2021.
Sambært Mentamálaráðnum verður Miðnámsskúlin á Kambsdali liðugt útbygdur í 2021.
Nýggjastu sendingar í ÚV
Nýggjastu sendingar í SV